Gërhitja është një tingull i ngjirur, i cili krijohet kur keni bllokim të pjesshëm të frymëmarrjes gjatë gjumit për shkak të një problemi të caktuar.
Mirëpo, shpeshherë gërhitja mund të jetë tregues i problemeve serioze sa i përket shëndetit. Për më tepër, ajo mund të jetë shumë e bezdisshme për partnerin/partneren tuaj.
Por cilat janë disa metoda të vlefshme mjekësore, që mund të na vijnë në ndihmë për këtë sëmundje?
Së pari: Pozicioni i shtrirjes, shtrirja në anë. Sipas studimeve mjekësore, gërhitja mund të pakësohet, madje të eleminohet nëse flini nga njëri krah. Përveç pozicionit të gjumit të shtrirjes në një anë, jastëku i duhur dhe cilësor mund t’ju ndihmojë për eleminimin e këtij problemi.
Së dyti: Qetësia para gjumit ju çlodh.
Së treti: Lënia e duhanit, pijeve alkoolike dhe medikamenteve të tjera stimuluese. Këto shkaktojnë lodhjen e muskujve, duke përkeqësuar frymëmarrjen e deri në bllokim të saj.
Së katërti: Rënia nga pesha. Personat mbipeshë janë më të prirur të gërhasin, prandaj ekspertët këshillojnë heqjen e kilogramëve të tepërt.
Së pesti: Heqja e mishit të huaj në hundë. Heqja e mishit të huaj në hundë mund të pakësojë dhe asgjësojë gërhitjen.
Së gjashti: Përdorimi i pajisjes për të penguar gërhitjen (Snore guard). Kjo është një pajisje që vendoset brenda gojës gjatë gjumit, dhe mund të garantojë një gjumë cilësor gjatë natës. Por, duhet të theksojmë se gjatë fazës fillestare të përdorimit të saj mund të keni pak vështirësi.
Së shtati: Gjuhën nxirreni përpara dhe shtrëngoni dhëmbët. Mundohuni të gërhisni. Nëse vëreni një gërhitje më të lehtë ka shumë mundësi që gjuha nxit gërhitjen.
Së teti: Përdorni jastëkë më të lartë: kjo mënyrë ndikon në mbajtjen hapur të rrugëve të frymëmarrjes duke mbështetur qafën. Kështu fyti ngushtohet më pak.