Nga Boldnews.al
Me një ceremoni shtetërore është “kremtuar” më bujë hapja e zyrës së EUROPOL sot në Tiranë, duke u lexuar nga mazhoranca si një “integrim” në BE, por në të vërtetë është krimi ai që e detyroi Policisë Europiane të vendoset me zyra në vendin tonë. EUROPOL do të ketë një oficer ndërlidhës në Shqipëri, për të dhënë informacione në kohë reale.
“Në njëfarë mënyre, ne po realizojmë hapa që shënjojnë njëfarë integrimi de facto. Dhe kjo qasje, ky integrim de facto në BE, besoj që është rruga më e drejtë për të arritur dalëngadalë e të sigurt drejt integrimit de jure”- tha kreu i Minisrisë së Brendshme Sandër Lleshaj.
Përtej këtij qëndrimi politik, e vërteta që fshihet pas hapjes së zyrës së EUROPOL në Tiranë lidhet në mënyrë direkte me fuqizimin e grupeve kriminale shqiptare që veprojnë mes qyteteve të ndryshme të Europës dhe Shqëipërisë, që e përdorin edhe si vendin ideal për pastrimin e produkteve të veprave penale.
Shqetësime serioze për grupet shqiptare, kryesisht në trafikun e drogës, prostitucionit dhe klandestinëve, po shkakton probleme serioze në Holandë, Itali, Angli, Belgjikë, Gjermani, dhe Francë. Përtej optimizmit të Lleshajt, prania e Europol në Tiranë nuk ka të bëjë aspak me integrimin, por e lidhur fort me krimin.
Në tre vitete e fundit, organizata kriminale që drejtohen nga shqiptarë kanë shtrirë ndikimin e tyre kryesisht në trafikun e drogës, të klandëstinëve dhe më pak atë të prostitucionit. Trafikimi i kokainës, duke krijuar lidhjet direkte me trafikantët në Amerikën Latine dhe sjelljen e tyre në Europë dhe më pas shpërndarjen, duke i pasur të gjithë në një dorë, ka shtuar ndjeshëm fuqizimin e grupeve kriminale shqiptare.
Paratë e fituara si fillim tentohen që të pastrohen në vendet ku jetojnë, por për shkak të kontrolleve të forta dhe hetimin mbi pasurinë, detyrohen që ti kalojnë paratë cash në Shqipëri, në forma nga më të ndryshmet.
Një rol të rëndësishëm në fuqizimin e trafikantëve shqiptarë që jetojnë jashtë vendit ka luajtur edhe kanabizimi masiv i vendit përgjatë viteve 2016-2017. Kjo u dha mundësi që me të ardhurat në shifra të larta të përfituara nga trafiku i marijuanës të investohen në një tjetër “sektor” edhe më fitiprorës, siç është trafiku i kokainës.
Nga ana tjetër, parajsa e vërtetë për të pastruar paratë e krimit nga trafiqet ishin dhe mbetet sektori i ndërtimit. Në Tiranë ka pasur një rritje të frikshme të lejeve të ndërtimit për pallate, kulla, apo komplekse të tjera shërbimi. Nëpërmjet firmave nënkontraktore, trafikantët janë kthyer në biznesmenë. Kjo situatë e ka detyruar EUROPOL që të ketë një zyrë të përhershme në Tiranë dhe jo “integrimi”, siç po mundohen që ta shesin përfaqësuesit politik të qeverisë.