Algjeria në gjysmëfinale, eliminon me 11-metërsha Bregun e Fildishtë

Do të jetë Algjeria kundërshtarja e Nigerisë në gjysmëfinalen e Kupës së Kombeve të Afrikës. “Dhelprat e Shkretëtirës” eliminuan Bregun e Fildishtë vetëm pas goditjeve të 11-metërshave, pasi koha e rregullt dhe shtesa me dy kohë prej 15 minutash përfunduan në barazim 1-1.

Algjeria e zhbllokoi rezultatin që në minutën e 20-të me Feghouli, ndërsa në fillim të pjesës së dytë Bounedjah gaboi nga pika e bardhë e penalltisë për të shënuar golin e sigurisë. Bregu i Fildishtë e shfrytëzoi këtë epërsi psikologjike duke barazuar shifrat në minutën e 62-të me Kodjia. Asgjë nuk ndryshoi në minutat e mbetura dhe as në shtesë.

LEXO EDHE  “Shko në shtëpi, k**vë e vogël”/ Ibrahimoviç sherr edhe me trajnerin e skuadrës kundërshtare

Në ruletën e penalltive nga futbollistët e Bregut të Fildishtë gabuan Bonie dhe Serey Die, ndërsa për Algjerinë nuk pati shënjestrën e duhur vetëm Belaily.