Edhe pse sot kryeministri Edi Rama në foltoren e parlamentit duhet të fliste për arsyet se pse Rilindja kërkon shkarkimin e Presidentit të republikës, dhe të rendiste të gjitha shkeljet e tij nëse ka, Rama është marrë në pjesën më të madhe të fjalimit me zgjedhjet moniste të 30 qershorit.
Pjesëmarrjen e ulët të shqiptarëve në votime, Rama e cilësoi një fitore të madhe. Sipas kryeministrit, është e pavërtetë se ai është braktisur nga shqiptarët në 30 qershor, pasi shqiptarët nuk votuan se ishin të kërcënuar nga opozita.
‘Kur mos e ndalo kundërshtarin që po vrapon thotë Napoleon Bonaparti. Sot nuk jemi këtu të ndalojmë një kundërshtarin tonë. Si kundërshtar i kësaj shumice meta nuk duhet ndaluar në vrapin e tij vetëshkatërrues. Politikisht ai na e bën shumë më të lehtë pozicionin tonë në sytë e popullit, sepse njerëzia po e sheh krejt lakuriq të vërtetën. Kjo është një armiqësi prej disfatës së turpshme, dhe planit antikombëtar të hedhjes në erë të zgjedhjeve dhe pengmarrjen e drejtësisë. Fatmirësisht e kam thënë disa herë gjatë fushatës se luftën e tyre për të prishur zgjedhjet me dhunë do të rezultonte një vrimë në ujë por kjo nuk do ti shmangte ata të shpallnin fitoren e radhës. S’ka më keq për humbësit se sa të sillen si fitmtarë dhe nuk ka më mirë për fituesit se sa humbësit nuk kuptojnë që kanë humbur,. 85 për qind e popullit refuzoi Ramën, janë po këta që thonë se shqiptarët kanë ikur nga ky vend. Janë po këta që kundërshtojnë përfshirjen e votës se emigrantëve në kodin zgjedhor, përfitoj të them se emigrantët duhet ta kenë të drejtën e votës, duke filluar nga zgjedhjet ardhshme. Ne do ta përfshijmë votën e emigrantëve në Kodin Zgjedhor. Pjesëmarrja e 30 qershorit ka tejkaluar çdo pritshmëri tonën. Në atmosferën mizerabël që ishin këto zgjedhje ne kemi marrë më shumë se zgjedhje seç kishte koalicioni fitues 4 vjet më parë. Të lexosh si refuzim popullor përqind krejt normale në këto zgjedhje të bombarduara nga kërcënimet, do të thotë jo vetëm mos dish çfarë flet por mos kuptosh se çfarë vjen nga mbrapa’, deklaroi Rama.
