Apeli për zgjedhje të parakohshme/ Rama i përgjigjet Metës: Do zhvillohen më…

Kryeministri Edi Rama iu përgjigj nga foltorja e Kuvendit apelit të përsëritur të Presidentit Ilir Meta për të zhvilluar zgjedhje të parakohshme parlamentare më 13 tetor.

Për kryeministrin Edi Rama, zgjedhjet do të zhvillohen në vitin 2021.

“S’ka asnjë shanc për fitore, 0 në zgjedhjet e vitit 2021”, tha Rama për opozitën, duke iu përgjigjur në këtë mënyrë edhe propozimit të Metës.

Më herët gjatë kësaj të hëne, kreu i shtetit shprehej: “Duke vlerësuar krizën e rëndë të përfaqësimit në vend, Presidenti i Republikës u bën thirrje të gjithë aktorëve t’i bashkohen propozimit të tij që më 13 tetor qytetarët shqiptarë të votojnë edhe për Kuvendin e Shqipërisë, por edhe për Presidentin e Republikës”.

Meta i quajti gjithashtu të paligjshme votimet e 30 qershorit, por Rama shfaqi një këndvështrim krejt të kundërt. Kreu i qeverisë nuk i kurseu as sulmet ndaj kreut të shtetit.

LEXO EDHE  E rëndë/ Kushuriri plagos dy vëllezërit binjakë! Detajet

“Meta duhet hetuar dhe ndëshkuar dhe reagimi ynë deri në fund si deputetë duhet të jetë frontal, në emër të Kushtetutës dhe dinjitetit të shtetit shqiptar”, tha Rama mes të tjerash. Kreun e shtetit e quajti “Burim destabiliteti politik, institucional, rrezikshmërie shoqërore e komedie ndërkombëtare”.

Këtë të hënë, Kuvendi po diskuton raportin e komisionit të ligjeve për shkarkimin e Metës nga posti i Presidentit dhe kërkesën për ngritjen e një komisioni hetimor.

Meta bën nul votimet e 30 qershorit/ Apeli për dy palë zgjedhje të parakohshme