Pas zgjedhjeve të 30 qershorit, opozita do t’iu rikthehet protestave ku ditën e nesërme do të zhvillojë protestën e 10 kombëtare tek bulevardi para kryeministrisë.
Një ditë para , Policia ka ndërmarrë një sërë masash në institucionet ku zakonisht zhvillohet protesta. Pranë Kryeministrisë janë vendosur prozhektorë të rinj, që mundësojnë ndriçimin e vendqëndrimit të efektivëve të policisë.
Pranë ministrisë së Brendshme është vendosur gardhi metalik. Nesër, 2 orë para nisjes së tubimit do të vendosën efektivët e policisë. Të njëjtat masa janë marrë dhe para Parlamentit, kjo për shkak të seancës plenare dhe të protestës së opozitës.
Sipas televizioneve informative, në protestën e të hënës pritet të angazhohen 1300-1500 punonjës policie. Po ashtu, pritet të angazhohen forcat e rendit, të ndërhyrjes së shpejtë, repartit shqiponja dhe punonjës të gardës.
