Sajmir Tahiri, ish-ministër i Brendshëm, ka mbërritur në gjykatë te Krimet e Rënda, i shoqëruar nga avokati i tij, Maks Haxhia.
Tahiri ka pranuar formën e shkurtuar të gjykimit, ndërsa treshja e gjyqtarëve përbëhet nga Ardit Mustafaj, Flora Hajredinaj dhe Irena Gjoka.
Seanca e parashikuar më 19 qershor, u shty për shkak të mungesës së 3 të pandehurve të tjerë, të përfshirë në dosjen e prokurorisë.
Në dosjen me 53 fashikuj, Prokuroria e akuzon Tahirin për akuzat për akuzat “Trafikim të lëndëve narkotike” në kuadër të grupit të strukturuar kriminal “Habilaj” dhe “Korrupsionit pasiv të funksionarëve të lartë shtetërorë”.
Bashkë me të, të pandehur janë edhe tre ish-zyrtarët e lartë të Policisë së Vlorës, Jaeld Çela, Gjergj Kohila e Sokol Bode.
Tahiri nuk ka pranuar akuzat e prokurorisë dhe pretendon se është i pafajshëm.