Ambasadori i BE-së Luigi Soreca ka përshëndetur vendimin e Komisionit të BE për të mos pezulluar regjimin e vizave për shqiptarët, por megjithatë ka theksuar se do të vazhdohet monitorimi nga afër i Shqipërisë në përmbushjen e standarteve të lidhura me vizat. E në këtë këndvështrim, Soreca i kujton forcave politike shqiptare se tani është koha që Shqipëria të ecë me energji të përtërira…
“Pas një vlerësimi të kujdesshëm të përmbajtjes së kërkesës së Holandës dhe bazuar në të dhënat përkatëse të informacionit në dispozicion, Komisioni i BE-së ka vendosur që në situatën aktuale nuk janë plotësuar rrethanat për të vënë në lëvizje mekanizmin e pezullimit të vizave.
Komisioni sigurisht do të vazhdojë të monitorojë nga afër përmbushjen e standardeve për liberalizimin e vizave për Shqipërinë, si dhe për vendet e tjera që përfitojnë nga udhëtimi pa viza.
Tani është koha që, pas këtij konfirmimi, Shqipëria të çojë më tej arritjet e saj të rëndësishme të vitit 2010 dhe për të ecur përpara me energji të përtërira, duke pasur parasysh vendimin e rëndësishëm të Këshillit të BE-së në tetor.
