Përmes një njoftimi elektronik, Ambasada Amerikane ka paralajëmruar të gjithë shtetasit e saj që jetojnë dhe punojnë në Shqipëri lidhur me situatën alerte në të cilën do të zvillohen zgjedhjet bashkiake në Shqipëri. Përmes një emaili, ajo ka njoftuar shtetasit të tregohen të kujdesshëm duke evituar qëndrat e votimit dhe ato të numërit si dhe ambjentet e populluara të cilat mund të kthehen në vatra të degradimit të dhunës.
Njoftim i rëndësishëm për qytetarët amerikanë në Shqipëri
Vendndodhja; Në të gjitha qëndrat e votimit, qëndrat e numërimit zyrat administrative zgjedhore në gjithë Shqipërinë. Shqipëria do të mbajë zgjedhjet bashkiake më 30 qershor 2019.
Zgjedhjet bashkiake në Shqipëri janë planifikuar të zhvillohen më 30 qershor 2019. Votimi është planifikuar nga ora 07:00 deri në orën 19:00. Zgjedhjet do të mbahen në çdo bashki shqiptare. Numërimi do të pasojë në qendrat e numërimit dhe mund të zgjasë deri në disa ditë në disa komuna.
Incidentet e kohëve të fundit edhe pse të lokalizuara, kanë vënë në shënjestër zyrtarët e zgjedhjeve dhe materialet e votimit, duke ngritur perspektivën e dhunës ose shqetësimeve të tjera në ditën e zgjedhjeve, në ditët që i paraprijnë dhe përmes numërimit të votave në qendrat e numërimit.
Masat që duhet të ndërmerrni
- Qëndroni vigjilent rreth vendeve të votimit, qendrave të numërimit dhe zyrave zgjedhore.
- Shmangni çdo zonë ku ka shenja të dhunës së afërt ose të vazhdueshme.
- Jini të vetëdijshëm për rrethinën tuaj.
- Monitoroni mediat lokale për përditësime.
- Mbani një profil të ulët.
