Kryetari i Partisë Demokratike, Lulzim Basha tha në një deklaratë telefonike për emisionin “Tempora” se 30 qershori do të jete varreza politike e Edi Ramës. Ndërsa 1 korriku, sipas Bashës, do jetë dita pas rënies së një regjimi autokratik kriminal.
Basha u shpreh se në Shqipëri ka rënë demokracia për shkak të aleancës politikë-krim. “Dy kushtet tona largimi i kësaj aleance, largimi i Ramës dhe çuarja para drejtësisë e atyre që kanë vjedhur zgjedhjet,” shtoi.
I pyetur se çfarë qëndrimi do të mbajë nëse në votimet e 30 qershorit do ketë një pjesëmarrje të lartë, kryedemokrati deklaroi se ka një përpjekje të dështuar për të realizuar votimet si në kohën e diktuarës, ku ashtu si atëherë, qytetarët po kërcënohen që të marrin pjesë në votime.
Punonjësve të administratës u kanë thënë se do i “fluturojnë nga vendi punës” nëse nuk shkojnë në votime, tha Basha.
“Ky regjim i ka orët e numëruara”, deklaroi.
Çfarë ndodh në 1 korrik?
Pyetjes iu përgjigj: 30 qershori është varreza politike e Ramës. 1 korriku dita pas rënies së një regjimi autokratik kriminal.
S’keni asnjë plan për të penguar procesin e votimeve?
“Plani është i thjeshtë, të jemi krah qytetarëve në mbrojtje të Kushtetutës. Me Kushtetutë s’ka zgjedhje, çdo përpjekje kriminale për të ushtruar presion ndaj qytetarëve do të përbëjë ndjekje penale për çdo kënd që nga Rama”, deklaroi.
Basha zbuloi se ditën e nesërme do ketë një takim me përfaqësues të ODHIR. “ODHIR ka kërkuar takim, ka dalë me një raport të ndërmjetëm që thotë s’ka zgjedhje me një kandidat”.
I pyetur lidhur me deklaratat e kryebashkiakut të Tiranës Erion Veliaj, se Meta rrëzoi me dekret 30 qershorin pasi Amerika i hoqi vizat Berishës dhe Petrit Vasilit, Basha tha: “Ur Jahipi se meriton të komentohet vetëm të tallet dhe të përbuzet, ndërsa me drejtësinë e pavarur ka çështje të mëdha për të cilat duhet të japë përgjigje”.
Lidhur me hetimin ndaj tij në Prokurorinë e Tiranës, Basha tha se është një akuzë e montuar. “Problematike jo fakti që po montohet një akuzë politike po Rama provon sikurse me aktin e Kolegjit Zgjedhor se po kontrollin të gjitha pushtetet dhe do të kontrollojë edhe pushtetin vendor”, deklaroi.
