Kreu i Shtetit Ilir Meta deklaroi sot se institucioni i vetëm që cakton datën e zgjedhjeve në Shqipëri është ai i Presidentit të Republikës.
Madje, Meta deklaroi se votimet e 30 qershorit janë partiake dhe si të tilla, Presidenti nuk mund të ndërhyjë, duke ironizuar në këtë mënyrë gjithë sjelljen e mazhorancës dhe kryeministrit Edi Rama.
“Presidenti nuk ndërhyn për të penguar zgjedhje partiake por pa dyshim besoj se lidhur me datën 30 qershor si zgjedhje kjo datë ka rënë nuk ekziston më ligjërisht. Kush dëshiron të bëjë zgjedhje partiake unë nuk ndërhyj. Kjo të jetë e qartë brenda dhe jashtë vendit”, tha Meta.
Në konferencë për mediat gjithashtu ai thumboi edhe ndërkombëtarët për qëndrimin që po mbajnë ndaj një prej krizave më të forta politike në Shqipëri.
Dhe duket se ky qëndrim i Presidentit ka tërhequr vëmendjen e karikaturistit të njohur, Bujar Kapexhiu.
“A dini të lexoni”, është dixhitura e karikaturës së Kapexhiut ku si personazhe janë diplomatët Luigi Soreca dhe Berndt Borchardt, ndërsa Meta i tregon dekretin që anullon 30 qershorin si datë zgjedhjesh.
