Nga Boldnews.al
Shkodra tregoi se dy botë ndodheshin në një shesh të vogël, ku vija ndarëse e tyre ishte një kordon policie me veshje të errëta. Rama rendiste sukseset imagjinare, sulmoi opozitën nga rrënja në degë dhe u shpreh i vendosur se kushdo që ndalon histerizmin Rilindas për të votuar më 30 qershor, do i priste vetëm burgu dhe izolimi për të mos parë më botë të jashme me sy. Nga ana tjetër, protestonin një pjesë e mirë e qytetarëve me brimat: “Rama ik”… Zëra që shuheshin me hope kur policia hodhi gaz lotsjellës dhe spraj paralizues.
Kryeministri sfidoi dhe po shkon i bindur drejt greminës, duke na marrë të gjithë me vete në këtë “sakrifikim pushteti”, që gjithsesi në fund Rama do hapë i vetëm “parashutën” për të na lënë të gjithëve të gremisemi. Atëherë do jetë tepër vonë, gjithçka do ketë përfunduar më 1 korrik, edhe dhjetë ditë na kanë mbetur…
Tanimë është kapërcyer vija e hollë ndarëse mes demokracisë dhe autoritarizmit të theksuar. Do të kemi zgjedhje pa opozitën, (që nuk quhen më të tilla), por votime si në vitet e komunizmit. Burgosje të opozitës zyrtare e qytetare dhe mbajtja e pushtetit me çdo kusht, qoftë edhe duke gremisur një pjesë të popullsisë, si kurban për kalanë e tij të regjimit që po vjen. Të lexosh mendjen e Ramës për situatën e momentit nuk është aspak e vështirë, por se çfarë do të ndodhë pas 30 qershorit, këtë e “zbulon” miku dhe këshilltari i tij Baton Haxhiu.
“Unë jam i bindur që zgjedhjet do të mbahen më 30 Qershor. Kjo është definitive. E dyta, pas 1 Korrikut do kënaqeni në Shqipëri duke parë rendin e njerëzve duke shkuar në burg. Jam i sigurt, këtë e kanë përjetuar të gjitha vendet. Edhe e treta, Shqipëria më datën 1 Korrik e fillon një jetë të re politike, besomëni që unë e kam këtë ndjenjë”-tha ai fort qartë.
Me fjalën “jetë e re”, i shkon përshtat konceptit Rilindje, që në gjashtë vite qeverisje ka krijuar “njeriun e ri” me militantizëm të theksuar në masat e varfra, në krijimin e një oligarkie që ushqen pushtetin dhe autoritarizmin e theksuar të qeverisë që ka si mborojë të fortë grupet kriminale që blejnë vota për Rilindjen e Ramës.
Sinjalin se vendi është në rrezik në aspektin ndërkombëtr e ka dhënë Gjermania, boshti kryesor i Bashkimit Europian. Nëse do ishim një shoqëri më pak e militantizuar dhe një vend ku zëri i shoqërisë civile do ishte i fortë, mesazhi do lexohej qartë: “Kryeministri Rama është rrezik për vendin”.
Gjermania deri më tani ka qenë mjaft aktive për situatën politike shqiptare. Dyshimi se kryeministri Edi Rama refuzoi kërkesën e të “dërguarit të kancelares Merkel”, për të gjetur një zgjidhje, që niste me shtyrjen e datës së zgjedhjeve, tashmë është një tjetër faktor që kreu i qeverisë po futet edhe më shumë në humnerë, me rrezikun për të marrë me vete edhe qytetarët e vendit.
“Përpjekjet e bëra nga Gjermania për afrim mes pozitës e opozitës shqiptare deri tani kanë qenë të pasuksesshme. Socialistët nuk lëvizin nga vendimi i tyre për të shkuar në zgjedhje, ndërkohë kriza në vend po thellohet”-shkruan DË, e cila bën edhe parashikimin e frikshëm se po shkohet drejt përplasjes së madhe më 30 qershor.
Rama ka varrosur çdo element të demokracisë, përfshi zgjedhjet e lira dhe ndershme, pluralizmin politik, kapjen e të gjithë institucioneve dhe reprezaljen dhe kërcënimet e hapura për burgosjen e opozitës. Ndonëse mund të duket se shenjë e një “apokalipsi lokal”, edhe dhjetë ditë jemi në një demokraci hibride, më pas regjimi autoritar do futet në një rrugë pa kthim.
