OSBE ka reaguar lidhur me ngjarjet e ndodhura në disa bashki në vend, ku qytetarë të revoltuar kanë sulmuar vendndodhjet e KZAZ-ve.
Ndërsa dënon aktet e dhunës të ushtruara në disa bashki të vendit, ku është tentuar të lirohen ambientet e KZAZ-ve, OSBE kërkon nga forcat politike që të mos nxisin dhunë në të kundër do mbajnë përgjegjësi ligjore.
OSBE kërkon nga autoritetet që të marrin masa për të ndëshkuar përgjegjësit e dhunës.
Kjo nuk është hera e parë që OSBE reagon në mbështetje të qeverisë, e cila po shkon drejt 30 qershorit në kundërshtim me dekretin e Presidentit Ilir Meta që ka anulluar zgjedhjet në këtë datë. Dekreti i Presidentit është botuar në Fletoren Zyrtare, ccka do të thotë se ka hyrë në fuqi, por nuk njihet nga Rilindja.
Deklarata e OSBE ngjason me atë të një Organizate Socialiste, e cila drejtohet nga ccdo deputet i Rilindjes dhe jo një ambasador, i cili minimalisht duhet të kërkojë ndjesë lidhur me atë ccka ndodhur në zgjedhje, sidomos pas publikimeve të përgjimeve në BILD.
Reagimi i OSBE:
Prezenca e OSBE-së i dënon me forcë sulmet e dhunshme të këtyre ditëve kundër organeve përgjegjëse për organizimin e zgjedhjeve, në disa bashki në Shqipëri. Të gjitha proceset politike dhe administrative duhet të zhvillohen në përputhje me parimet e shtetit ligjor.
Çdo përpjekje për të nxjerrë nga shinat procesin demokratik, përmes veprimeve të dhunshme, përbën shkelje të ligjit, pengon përparimin e vendit dhe njollos reputacionin e tij ndërkombëtar. Jo vetëm autorët e dhunës, por edhe nxitësit e saj, duhet të mbajnë përgjegjësi ligjore. Ne bëjmë thirrje që autoritetet shtetërore të ndërmarrin të gjitha masat, sipas legjislacionit në fuqi, për të hetuar dhe ndjekur penalisht përgjegjësit e dhunës.
Gjithashtu, u bëjmë thirrje organizuesve të protestës së të premtes të sigurojnë një protestë paqësore. Në përputhje me mandatin e saj, Prezenca e OSBE-së mbetet e gatshme të mbështetë shtetin ligjor dhe demokracinë në Shqipëri.
