Mijëra mataurantë në të gjithë Shqipërinë kanë dhënë në datat 7 dhe 12 dy prej provimeve finale që ata kanë.
Mirëpo për asnjë nga këto provime nuk ka informacion. Ende nuk kanë dalë notat e provimeve, kur jemi gati 10 ditë nga provimi i parë.Vonesa të tilla përkthehen në pezullim për ata maturantë të cilët duan të vazhdojnë studimet e tyre jashtë vendit.
Shtete si Gjermania etj. kërkojnë që dosjet me dokumentat përkatëse të aplikantëve për studime të mbërrijnë në këtë shtet përpara datës 15 Korrik.
Por nëse provimi i fundit i maturantëve është me datë 24 dhe korrigjimi merr gati dy javë, marrja e diplomave brenda afatit që kërkon Gjermania është e pamundur, pasi duhet të ndiqen një sërë procedurash, deri në dërgimin e dokumentacionit të nevojshëm në Gjermani.
Nuk ka zgjatur asnjëherë kaq shumë korrigjimi dhe prapë prindër e nxënës janë torturuar për të kapur afatet deri në sekondën e fundit. Ministria e Arsimit harxhoi fonde për tendera skanimi të provimeve dhe tani rezulton që me skanim vonohet më shumë se korrigjimi nga mësuesit.
Ministrja e Arsimit, Besa Shahini me origjinë nga Kosova, mesa duket nuk ka hallin e nxënësve shqiptare. Dhe mbase nuk është informuar rreth këtyre problemeve. Ajo as që takon njerëz dhe as e takon njeri. Nuk është njeri politik dhe nuk është as në fushatë ku mbase ia sqaron ndonjëri. I thanë bëje me skanim, bëri tenderin për skanimin. Se kur mbaron skanimi nuk është halli i saj.
Hallin e kanë prindërit dhe gjimnazistët. Pasi të korrigjohen provimet, duhet që të gjitha rezultatet te hidhen në sistem. Të hapet sistemi për gjimnazet dhe të fillojë printimi i dëftesave.
Pastaj prindër dhe nxënës, nëse ky proces me ndihmën e Zotit arrin të mbarojë para datës 5 Korrik, duhet të rrinë në rradhë tek drejtoritë arsimore ku siglohet dokumentacioni.Pastaj dëftesa duhet dërguar në ministrinë e Jashtme, teK ministri tjetër me origjinë kosovare, Gent Cakaj, që nuk është as njeri politik, s’është as në fushatë.
Dhe te ministria e Jashtme kanë bërë revolucion. Nuk ka radha. Ministria e Jashtme i do me postë, se duhet të paguhet edhe shërbimi “TNT”. Po i nise dokumentat me postën shqiptare zor se të mbërrin në kohë, përveçse duhet të fillosh dezhurnin tek dera e postës.
Detyrimi që dokumentat për vulën apostile duhet të niseshin me postë, u shoqërua menjëherë me shtimin e vështirësive dhe gabimeve për dokumentat që përcilleshin me postën shqiptare. Duhen nxitur hallexhinjtë që të përdorin privatin e duhur.Kështu,vit pas viti, pas çdo halli që prindër e nxënës kalojnë në grup, çdo fillimKorriku, ministritë shtojnë tenderat, shtojnë shpenzimet, fusin në lojë privatet. Dhe, vit pas viti, halli i prindërve e gjimnazistëve bëhet edhe më i madh.Vjet dëftesat dolën vetëm në 10 Korrik.
Duke i masakruar në mes të vapës hallexhinjtë e rradhës. Vjet, megjithëse provimet u korrigjuan brenda tre ditëve, nga dita kur bëheshin, u deshën gati tre javë të dilnin dëftesat. Sivjet as që ka filluar korrigjimi.Gjimnazistët po rrezikojnë seriozisht të humbin një vit nga dy ministra Kosove, që s’e kanë idenë se çdo të thotë kjo për prindërit dhe vetë gjimnazistët./CNA.al.
