Damian Gjiknuri, ish-ministër i Energjisë dhe Infrastrukturës, është një nga zyrtarët e lartë të Rilindjes i kapur në përgjime, në kuadër të asaj që njihet si dosja 184 për zgjedhjet në Dibër.
Gjiknuri shfaqet në një bisedë me Arben Keshin, ndërsa i thotë se do t’i dërgojë disa çuna, që janë pak problematikë, që të rrinë atje te shtabi.
Kjo është një nga bisedat ku Gjiknuri komunikon me Keshin.
Lidhur me përgjimet ka reaguar kryeministri Edi Rama, i cili ka paralajmëruar një padi në gjykatë, madje në Gjermani, ndaj gazetarit të Bild që publikoi përgjimet.
Gjithashtu Rama k aka mbajtur qëndrimin se përgjimet e publikuara nuk synojnë drejtësi, por janë shantazh.
Damian Gjiknuri nuk ka reaguar, qoftë edhe për të përgënjeshtruar përgjimet. Por ai ka bërë një veprim, i ka dhënë një “like” në rrjet postimeve të Edi Ramës.
Dhe nuk ka faj, ai ka mbrojtur qëndrimin e Ramës, që e shpëton Gjiknurin dhe të tjerët nga hetimi dhe përballja me ligjin.