Deputeti i PD-së, Halit Valteri është paralajmëruar për ndëshkim nga zv. kryeparlamentarja Vasilika Hysi.
Ndërkohë që në sallë diskutohej lidhur me projektligjet, Valteri kërkoi fjalën për provedurë, duke filluar më pas të flasë për takimin që ministri i Brendshëm Sandër Lleshaj kishte me një gardist.
Debati në Kuvend:
Halit Valteri: Kërkoj fjalën për procedurë.
Vasilika Hysi: Po keni 3 minuta kohë
Halit Valteri: Çfarë e kërcënon Lulzim Bashën, si ka mundësi që ministri të Brendshëm e di që i kërcënohet jeta Lulim Bashës. Si i mori këto informacione?
Vasilika Hysi: Ndërpritini fjalën. Citoj nenin 49. Jeni deputet i ri, respektoni rregulloren dhe lironi foltoren. Ka ndëshkim nëse nuk e bëni lironi foltoren. Mund të flisni në 5 minutësh. Kaq mund të bëj.
Një takim mes ministrit të Brendshëm Sandër Lleshaj dhe gardistit të Lulzim Bashës, Feim Dollapaj, alarmon Partinë Demokratike. Gazmend Bardhi i kërkon Lleshajt në emër të PD të tregojë informacionet që ka në disponim për kërcënimin ndaj Lulzim Bashës, në të kundërt e gjitha do të konsiderohet një shantazh politik.
