Një vit pas ndarjes nga djali i Jozefina Topallit, Eva Murati shokon me deklaratën

Pasditen e djeshme, e ftuar në studion e programit “Rudina”, ishte moderatorja e emisioneve sportive dhe aktorja, Eva Murati. Jemi mësuar që ta shohim si prezantuese në emisionet sportive, por krahas kësaj Eva vazhdon karrierën e saj edhe si aktore, duke u bërë pjesë e disa prodhimeve kinematografike.

I fundit ishte filmi me titull “Unë si ti”, ku Eva luante rolin e një kujdestareje në një shtëpi fëmijësh. E duket se ky rol e ka bërë moderatoren më të ndjeshme ndaj fëmijëve, duke e cilësuar këtë si një eksperiencë që i ka ndryshuar jetën në kuptimin e plotë të fjalës. Nisur nga ky rol, aktorja dëshiron që në të ardhmen të adoptojë një fëmijë, një hap të rëndësishëm, të cilin po planifikon ta hedhë në jetë.

“Eksperienca në Shtëpinë e Fëmijës në Sarandë ka qenë e jashtëzakonshme. Aty është një botë komplet tjetër, ndryshe nga realiteti dhe mua më ka bërë të kuptoj shumë gjëra, që jam me fat për gjërat që kam në jetë. Gjithashtu, më ka bërë të kuptoj që pse jo, mbase në një të ardhme mund të adoptoj një fëmijë”, është shprehur Eva e emocionuar.

E pyetur nga moderatorja nëse do të donte që në të ardhmen të kishte edhe fëmijët e saj, moderatorja tregoi se po, por këtë ditë e sheh shumë të largët. “Fustani i bardhë dhe fëmijët janë goxha larg në të ardhmen time, pasi sapo kam mbushur 24 vjeç, por pa dyshim që do të doja fëmijët e mi. Meqë më ka ndjekur numri tre në jetë, pasi gjyshja ime ka patur tre fëmijë, mami im ka tre fëmijë, shpresoj edhe unë të kem tre”, tha ajo.

Gjatë intervistës, Eva u surprizua edhe nga një video-mesazh nga mamaja e saj, e cila si rrallëherë shfaqej para kamerave. Mes lotësh, moderatorja tregoi se do të donte që në të ardhmen të kishte me fëmijët e saj të njëjtën lidhje që ajo ka me mamanë.

LEXO EDHE  “Jam me kancer”/ Shokon artisti shqiptar

Këtë deklaratë, për të birësuar një fëmijë, Eva e bën publikisht 1 vit pasi u nda nga Genar Tollai, djali i ish-kryetares së Kuvendit, Jozefina Topalli. U desh një vit i plotë që prezantuesja e emisioneve sportive, Eva Murati, të pranojë në mënyrën e saj ndarjen nga i dashuri prej vitesh. Genari dha lajmin disa ditë më parë se është diplomuar në “Universita Cattolica del Sacro Cuore” në Milano, ku në fotot e diplomimit Eva mungonte.

Në postimin e tij në rrjetet sociale, Genari shkruante se kjo ishte një ditë shumë e veçantë dhe e bukur për të, ndërkohë që në fotot e postuara as këtë herë nuk u pa Eva, e cila ka qenë prej vitesh shumë pranë familjes Topalli, aq sa quhej “nusja e Jozefinës”.

Nuk vonoi shumë dhe Eva që të bënte një deklaratë publike në lidhje me ngacmimet apo flirtimet me futbollistët e njohur, duke u prezantuar kështu si singel. E ftuar në emisionin ‘Trokit’ në ‘InTv’, pranoi jo vetëm që merr mesazhe nga futbollistët, por zbuloi edhe mesazhe të tilla si: “Ç’kemi ylli”, “zemra”, “shpirti”, por pa zbuluar më shumë në lidhje me emrat e futbollistëve që e ngacmojnë.

Kujtojmë se lajmet për ndarjen nga djali i politikanes, gati një vit më parë, nuk u pritën mirë nga Eva. Nuk vonoi shumë dhe mohimi që u bëri lajmeve të zyrtarizimit të lidhjes 8–vjeçare me Genar Topallin, djalin e ish-kryetares së Kuvendit të Shqipërisë, u pasua me lajmin e ndarjes.

24- vjeçarja, e cila i ka hyrë botës së televizionit shumë e re, tashmë është përfshirë seriozisht në botën e kinemasë me disa role të fitura, siç ishte filmi serial “Ti mund të më quash Xhon”. Një nga moderatoret e momentit të ekranit shqiptar, përveç punës që bën, është komentuar këto vite edhe për lidhjen e saj me djalin e politikanes Jozefina Topalli.