Pas 21 kryebashkiakëve të PD dhe LSI që janë shprehur njëzëri në mbështetje të dekretit të Presidentit Ilir Meta për anullimin e zgjedhjeve të 30 qershorit, edhe dy kryebashkiakë të PDIU-së, në Peqin dhe Rrogozhinë, i janë bashkuar këtij qëndrimi.
Përmes shkresave zyrtare drejtuar KQZ-së, ata kërkojnë lirimin e ambienteve që janë në varësi të tyre të zëna nga KZAZ-të.
Gjithashtu kryetarët e Bashkive kanë kërkuar heqjen e listës përfundimtare të zgjedhësve të publikuar dhe të afishuar në institucionet arsimore në adminitrim dhe në pronësi të Bashkive të Peqinit dhe të Rrogozhinës.
Duket se kjo lëvizje e kryebashkiakëve të opozitës ka kapur të papërgatitur qoftë KQZ ashtu edhe kryeministrin Edi Rama, që në çdo fjalim dhe deklaratë të tyre vijojnë të kërcënojnë me burg ata që sipas tyre do të cënojnë një proces zgjedhor imagjinar.
