Skënderbeu ka vendosur që të ndryshojë datën e grumbullimit. Klubi korçar duhet të rifillonte stërvitjen në 11 qershor me lojtarët që janë nën kontratë, por gjithçka është shtyrë për datën 20 qershor.
Fakti që e ardhmja e klubit lidhet ngushtë me vendimin që do të marrë Gjykata e Arbitrazhit Sportiv, bën që edhe planet e skuadrës të jenë në varësi të përgjigjes, e cila do të merret nga CAS.
Shorti për Ligën e Europës hidhet më 18 qershor, ndërsa Skënderbeu pret që deri më 21 qershor të ketë mësuar fatin e tij.
