Kryetari i Partisë Demokratikë, Lulzim Basha u shpreh në një deklaratë për mediat nga selia e PD-së se “Shqipëria po shkon drejt situatës së grushtit të shtetit të organizuar nga mafia në bashkëpunim me Edi Ramën”.
Basha bëri një kronologji të bashkëpunimit e ndarjes së pushtetit, sipas tij, të Edi Ramës me grupet kriminale. Basha tha se bashkëpunimi ka nisur qysh kur Rama drejtonte bashkinë e Tiranës. Asokohe, tha Basha, kanë ndodhur vrasje nga grupe kriminale që bashkëpunonin me Ramën.
“Në këto kushte kur tashmë nuk ka asnjë iluzion, asnjë pikë dyshimi se zgjedhjet parlamentare të vitit 2017 u diktuan nga krimi i organizuar, nga paratë e pista të drogës, nga kërcënimi masiv dhe shantazhimi masiv i votuesve dhe përkrahësve të opozitës, nga shitblerja masive e votës, nga rrjetet kriminale të drogës, nga Avdylët, në Shijak, tek Shullazët në Tiranë, nga Bajrat në Shkodër, tek Habiljat, tek Xhafajt në Vlorë, nga Sanxhaktarët dhe Çelët në Elbasan, tek bandat e Çobejve dhe Rragamit në Korçë. Ku anembanë Shqipërisë rrjetet kriminale të vlerësuara si të tilla nga raporti i DASH mbi luftën kundër trafikut të drogës dhe pastrimit të patave të pista këto rrjetet kriminale dy vite më parë përmes një skeme të mirëmenduar, të mirëplanikuar dhe te ekzekutuar në terren me urdhër të Edi Ramës dhe kupolës socialiste asgjësuan procesin politike të vitit 2017. Ne e denoncuam këtë që prej ditës së parë. Raporti i ministrave teknikë i publikuar në fund të korrikut të vitit 2017 zbuloi qartësisht shkallën masive kriminale të shitblerjes së votës dhe të kërcënimit të votuesve nga rrjetet kriminale. raporti i OSBE/ODIHR-uit e cilësoi shitblerjen e votës problemin prioritar numër një në Shqipëri. Ndërkohë për më shumë se dy vite, Prokuroria e kapur tërësisht nga Edi Rama fjeti mbi dosjet “339/1”, 2017 dhe “184” 2016. Me qëllim që të mbronte kriminelët e kapur në flagrancë në përgjime zyrtare të Policisë, Prokurorisë dhe SHISH duke bashkëpunuar me Damian Gjiknurin, Vnagjush Dakon, Taulant Ballën, Pjerin Ndreun, Paulin Sterkaj, me një duzinë zyrtarë të lartë të PS, përfshi kreun aktual të Komisionit të Ligjeve, Ulsi Manjën dhe ish kreun e Komisionit të Sigurisë Xhemal Qefalinë. Kjo shkallë masive dhe sistematike e kërcënimit të votuesve dhe shitblerjes së votës dhe dhunimit të procesit elektoral ishte shkaku i i vetëm për rezultatin paradoksal të 2017-ës dhe për maxhorancës fiktive, në fakt kriminale të Edi Ramës nga e cila buron edhe qeveria e tij ilegjitime”, tha Basha.
“Bashkëpunimi i Ramës me rrjetet kriminale s’nisi në pranverën e 2017-ës. Në 2015 kandidoi për kryetar bashkisë njerëz të dënuar për trafik droge, të kërkuar nga Interpoli me 6 apo 7 emra, nga tërmet Peçite Elvis Roshi. Por dhe kjo është fillesa. Dy vite më parë se 2015-a në parlamentin e 2013, 19 deputetë të grupit parlamentar të PS erdhën me rekorde të tmerrshme kriminale nga burgjet për veprat më të tmerrshme. 2013 është gjeneza e bashkëpunimit të Ramës me krimin e organizuar. Dhe kjo fsheh në vetvete një të vërtetë që shumëkush mund ta ketë plurosur nga intensiteti i ngjarjeve politike. Bashkëpunimi me bandat nisi si kryetar i bashkisë, bandat pastruan paratë. Gjatë kohës që e qeverisi Rama, Tiranës s’iu dha kurrë një plan urban, ishte ai që vendosi si dhe ku do ndërtohej. Të famshme janë vrasjet edhe me antitank në mes të Tiranës në këtë pazar të ethshëm për të pastruar paratë”, u shpreh ai. /BN/
LEXO EDHE: Rezoluta e PS për vendimin e Metës/ Basha: Arsyeja e ndryshimit të qëndrimit të PS
LEXO EDHE: Basha zbulon bisedat me ndërkombëtarët: Çfarë kërkon të negociojë Edi Rama
