Kryetari i Partisë Demokratike Lulzim Basha ka komentuar qëndrimin në zbutje të PS-së lidhur më shkarkimin e Presidentit Ilir Meta, pas vendimit të këtij të fundit për shtyrjen e datës së zgjedhjeve.
“Farsa e sotme përfundoi në rezolutë dhe po konsumon orët e pasdites për t’u shndërruar në qortim dhe pendim të Ramës nuk është gjë tjetër veçse pjesë e teatrit të Ramës, i cili ka nevojë jetime të largojë nga vëmendja farsën në të cilën ka katandisur qytetarët. Për të hequr vëmë mendjen nga vjedhja e zgjedhjeve dhe e parave tuaja publike që ka zgjedhur ti ndajë me bandat në pushtet”, tha Basha.
Per Bashen, Rama e ka jetike mos hapjen e negociatave dhe qëllimi i tij është të devijojë diskutimin tek data 30 qershor.
Ai u ka bere thirrje shqiptareve te jene bashke.
“Ju ftoj në këtë momente të vështira për vendin. Ta përbuzim teatrin e propagandës dhe të mos flasim si ato foshnjat e vogla qe u terhiqen vemendja me nje raketake. Së dyti, të mbani lart kurajën me të cilën jemi përballur këto katër muaj. I kemi treguar botës se këtu ka një narko-shtet që ka kapur të gjitha pushtetet dhe se ka një popull që nuk e pranon këtë. Ju kërkoj të jemi bashkë, gati, në këmbë, të bashkuar dhe me pjesëmarrje masive për të vendosur fatin tuaj, fatin e Shqipërisë. Orët dhe ditët e ardhme do të vendosin se si do të jetë Shqipëria e 10-15 viteve të ardhshme”- tha ai.
LEXO EDHE: Basha zbulon bisedat me ndërkombëtarët: Çfarë kërkon të negociojë Edi Rama
