Një grup deputetësh të Bundestagut gjerman ndodhen në një vizitë zyrtare në Shqipëri. Josip Juratoviç, pjesë e delegacioni të deputetëve të Bundestagut, duke iu përgjigjur interesimit të gazetareve, shpjegoi se pse nuk zhvilloi takime me opozitën.
Ai sqaroi se ka pasur takime me “opozitën parlamentare”.
“Kemi pasur kontakte me politikanë shqiptarë dhe me sa di unë aty ka qenë e përfshirë dhe opozita parlamentare. Ajo ç’ka nuk mund të bëj, s’mund të kërkoj ku mund të jetë një parti apo një tjetër ku mund të flas. Nëse e kam këtë mundësi e bëj me përqafues të shoqërie civile”, deklaroi.
Deputeti gjerman shprehu qëndrimin kundër bojkotimit të parlamentit si dhe përdorimit të lëndëve priteknike apo tymuesve në protesta.
“Parlamenti është organi më i lartë i shoqërisë demokratike. Ne parlamentarët jemi përfaqësues të popullit dhe populli na ka zgjedhur të zhvillojmë debat në parlament. Sigurisht që në moment apo një tjetër gjithsekush është i lirë të bëjë një protestë apo demonstratë, por bojkotimi i parlamentit do të thotë bojkotim i demokracisë. E thënë thjesht për mua si besimtar i krishterë, parlamenti ka të njëjtën shenjtëri si kisha”, u shpreh ai.
Duke u ndaluar te realiteti në vend, Juratoviç u shpreh i keqardhur për largimin e të rinjve nga vendi. ”Sigurimi i perspektives së të rinjve është detyra kryesore e politikanëve”, tha.
Juratoviç foli edhe për negociatat, si dhe dekretin e Presidentit Ilir Meta që rrëzoi 30 qershorin.
“Kemi nevojë të mbledhim sa më shume argumente që Shqipëria është pjesë integrale e Europës, që kjo është bindja ime. Por duhet të flasim hapur si europianë. Duhet ta themi qetësisht që jo të gjithë qytetarët në BE janë entuziaste për një zgjerim. Nga ana tjetër edhe në shqipe dhe rajon nuk është se janë të gjithë entuziast për një anëtarësim të mundshëm. Këtu iu referohem atyre që kanë një lloj droje për kapitujt 23 e 24. Ata që kërkojnë të pengojnë integrimin në BE ka shumë në vendin tuaj”, u shpreh.
I pyetur për vendimin e Metës për shtyrjen e zgjedhjeve, tha: “Ky vend ka një Kushtetutë dhe Kushtetuta është baza e një shteti. Le të themi në Gjermani është kështu. Gjithsekush ka besim në atë ç’ka përcakton Kushtetuta. Nëse Kushtetuta parasheh që zgjedhjet duhet të zgjedhohen ne një moment të caktuar kohor atëherë duhet të zhvillohen në këtë moment kohor. Se vetëm në këtë mënyrë vendosin përfaqësuesit e popullit, vetëm duke zgjedhur”.
/Boldnew.al/
