Vendimi i Presidentit Ilir Meta për të anulluar dekretin që përcaktonte 30 qershorin si datën e zgjedhjeve lokale është mirëpritur nga aleatët e Lulzim Bashës.
Në një postim në rrjet, kreu republikan, Fatmir Mediu, shkruan se Grupimi i Qendrës së Djathtë i kishte kërkuar Presidentit pikërisht shtyrjen e zgjedhjeve, ndërsa shton se vendimi i Presidentit, shmangu një konflikt që do ta çonte vendin në drejtime të gabuara.
Ata e kanë cilësuar si antikushtetuese dhe puçist qëndrimin e kryeministrit Rama, duke shtuar se “Institucionet zgjedhore nuk veprojnë me vendim qeverie por me dekret Presidenti”
Postimi i plotë i Mediut:
Presidenti Republikes me vendimin per cdekretimin e zgjedhjeve ka shmangur nje konflikt qe do e conte Shqiperine ne drejtime te gabuara
Si GQD i kemi kerkuar Presidentit te Republikes pikerisht kete qe beri sot, si rruga e vetme kushtetuese
Ai eshte autoriteti i vetem qe vlereson kushtetutshmerine e vendimin te tij ne mungeses Te Gjykates Kushtetuese, duke cdekretuar dekretin e tij.
Presidenti ka garantuar pluralizmin dhe njekohesisht ka hedhur hapin e pare per nje zgjidhje qe garanton zgjedhje te lira dhe te ndershme
Qendrimi i Rames eshte sa antikushtetues dhe pucist. Institucionet zgjedhore nuk veprojne me vendim qeverie por me dekret Presidneti.
Per sa kohe Presidenti ka cdekretuar zgjedhjet KQZ duhet te ndale funksionimin e Komisioneve zonale dhe procesit zgjedhor. Cdo veprim tjeter eshte i paligjshem dhe antikushtetues.
I vetmi Institucion qe mund Te interpretoje vendimin e Presidentit eshte Gjykata Kushtetuese qe nuk egziston prej dy vjetesh e shkaterruar qellimisht prej Rames.
Eshte koha per zgjidhje politike. Qeveri tranzitore dhe zgjedhje te lira dhe te ndershme.
