Gjykata e Tiranës ka vendosur masën e arrestit me burg ndaj, Zamir Sijanit, të arrestuar nga policia për dhunë fizike ndaj dy personave në protestën e fundit të opozitës.
Policia e Tiranës njoftoi të martën arrestimin e tij.
Rrahja e ish-truprojës së Berishës dhe të birit në protestë/ Arrestohet autori (VIDEO)
43-vjeçari nga Xhafzotaj i Durrësit akuzohet se ka dhunuar ish-truprojën e Berishës, Ymer Çelën bashkë me të birin Erion Çela, në protestën e së dielës.
“Ndalimi i tij u bë pasi më datë 02.06.2019, rreth orës 20:00, në Bulevardin ‘Dëshmorët e Kombit’ dhe në rrugën ‘George Ë Bush’, ka prishur qetësinë publike në kohën që subjekti politik Partia Demokratike dhe aleatët zhvillonin protestën dhe ka goditur me mjete të forta shtetasit, Y.Ç. dhe E.Ç. (babë e bir) banues në Tiranë, duke ju shkaktuar dëmtime të rënda në pjesën e kokës. Materialet i kaluan Prokurorisë për veprime të mëtejshme për veprat penale ‘Plagosje e rëndë me dashje’ dhe ‘Prishja e qetësisë publike’”, njoftoi Policia. /BN/
