Kryeministri Edi Rama u është shmangur pyetjeve të gazetarëve për përgjimet e publikuara këtë të mërkurë nga prestigjiozja Bild.
Kryeministri u ndal në Korccë ditën e sotme. Gjatë takimit në një nga zonat e prekura nga tërmetet, shefi i ekzekutivit u pyet nga një gazetare për përgjimet e BILD. Rama, i veshur me tuta, ka vendosur të shmanget, duke bërë gjeste me duar e fytyrë, por duke mos dhënë asnjë përgjigje.
“Bild” publikoi këtë të mërkurë një sërë përgjimesh nga dosja e shumëpërfolur 339. Përgjimet tregojnë qartë lidhjen e ngushtë të zyrtarëve socialistë dhe personave me rekorde të theksuara kriminale si dhe bashkëpunimin mes tyre për të ndikuar në rezultatin e zgjedhjeve të fundit parlamentare. Në përgjime përmendet disa herë emri i kryeministrit Edi Rama.
