Ish-ministri i Drejtësisë, Ylli Manjani në një postim në rrjetet sociale ka një pyetje për të gjithë “dashnorët” e dialogut. siç i quan ai, më së pari për ambasadat e huaja se kur dhe ku zhvillohet ky dialogu?!
Sipas ish-ministrit, deri tani kryeministri ka shkruar 7 letra, por askund nuk gjendet një informacion i tillë. Për Manjanin kjo puna e dialogut u bë bajat, ku të gjithë e kërkojnë e askush nuk e thërret.
Postimi i ish-ministrit:
Një pyetje kam për të gjithë “dashnorët” e dialogut, më së pari për ambasadat e huaja, kur dhe ku zhvillohet ky dialogu?!
Kush e thirri dialogun që s’vajti opozita?!
Deri tani dimë që Kryeministri ka shkruar 7 letra, por askund nuk gjendet një informacion i tillë.
Pavarësisht se detyrohesh të lexosh përrenj me helm e mllef, prap nuk ka asnjë ftesë me datë, orë e vend për tryezë.
U bë pak bajate kjo puna e dialogut, ku të gjithë e kërkojnë e askush nuk e thërret.
Kësaj në shqip i thonë: m’ka çu nana me la gojën.
P.S. Të paktën ambasadat nuk “shqetësohen” më për shkatërrimin e pronës publike të shqiptarëve, pronë të cilën e paguajnë po shqiptarët edhe kur nuk e shkatërrojnë vetë…
Bash na patën hapë barkun me ato deklaratat se “po shkatërrohet prona publike”, që s’është e shteteve që ata përfaqësojnë..
