Eduart Ndocaj, ish-deputet i PS-së, i cili sot kandidon për Bashkinë e Lezhës, përballë Pjerin Ndreut, ka shpërndarë në rrjet një video, që sipas tij tregon qartë sepse qytetarët nuk duhet të votojnë Pjerin Ndreun, kandidat i Rilindjes për këtë bashki.
Video është bërë publike në prag të vizitës së kryeministrit Edi Rama në Lezhë, nga ku pritet të prezantojë kandidatin për kryebashkiak.
Ndocaj bën thirrje për të mos votuar Ndreun, pasi ai dhe Rilindja nuk kanë mbajtur asnjë premtim prej vitit 2013 kur morën pushtetin.
