Për kryeministrin Edi Rama, edhe pse për shumëkënd e habitshme, por një palë zgjedhje pa opozitën janë demokratike.
“Ata që vendosën të dalin nga binarët s’mund të vendosin për asgjë më shumë se vetes dhe tyre dhe askënd tjetër përveç vetes. Zgjedhjet po opozitën janë jo demokratikë nëse opozita pengohet të hyjë në zgjedhje, por nëse ajo vendos të mos hyjë zgjedhjet s’janë aspak jo demokratike”, tha Rama.
“Kjo që nisim sot s’është fushatë pa kundërshtarë, por betejë historike me kundërshtaret e zgjedhjeve. Kjo është një betejë për ti dhënë fund përgjithmonë një mënyre të ulët, të poshtër, të pabesë të të bërit politike duke u tallur me popullin, duke dhunuar gjuhën që na bashkon, duke dhunuar ligjësitë universale të bashkëjetesës politike. Kundërshtari është po ai fantazma e së shkuarës që po jep shpirt, por s’po heq akoma dorë. Kundërshtarin s’do e mundim me votë por forcën e pakundërshtuemshme të qetësisë, vendosmërisë sonë”, u shpreh ai.
Një pjesë të fjalës së mirë të tij, Rama ia kushtoi apelit për të mos penguar fizikisht zgjedhjet e 30 qershorit.
“Kush na e merr qetësinë tonë për tulatej, dhe kush e merr qetësinë për pamundësi, luan me zjarrin”, u shpreh Rama mes të tjerash.
