Në stadiumin “Wabnda Metropolitana” të Atleticos së Madridit, në kryeqytetin spanjoll, po luhet finalja e Ligës së Kampionëve, mes Liverpoolit dhe Tottenhamit, ndërkohë që pjesa e parë përfundoi me rezultatin 1-0 për “The reds”.
Megjithatë në mesin e pjesës së parë, një tifoze femër arriti të thyejë sigurinë e fushës dhe të vrapojë në terrenin e blertë ,duke detyruar arbitrin slloven Damir Skomina, që të ndërpresë për disa sekonda ndeshjen.
Jemi mësuar të shohim jo rrallë tifozë meshkuj që vrapojnë në fushë në mënyrë të befasishme, për të takuar idhujt e tyre, por këtë herë ishte tërësisht ndryshe.
Kjo sepse vajza që “pushtoi” fushën, pushtoi menjëherë edhe faqet e para të mediave online, duke qenë se zbriti në fushë me bikini, duke sikletosur edhe forcat e sigurisë, në momentin që tentuan ta nxjerrin jashtë.