Dy ditë para protestës së 2 qershorit, aleatët e Lulzim Bashës, kanë zgjedhur t’i përcjellin një mesazh kryeministrit Edi Rama, lidhur me qëndrimet e tij për zgjedhjet e 30 qershorit.
Nga Shkodra, ku zhvilluan takimin e rradhës me qytetarë, drejtues të partive opozitare, kanë deklaruar se në 30 qershor nuk do të ketë zgjedhje.
Drejtuesit e 5 partive në koalicion me PD-në janë deklaruar se nëse Rama tenton të bëjë zgjedhje me një parti, e drejta e opozitës është që të mos lejojmë një proces farsë.
Deklaratat
Vangjel Dule: Duhet të jemi të gjithë, si sot, më shumë nesër, me qëllim jo vetëm të mos realizohen zgjedhje në 30 Qershor, por kur të realizohen ato në vjeshtë, zgjedhje parlamentare dhe zgjedhje për pushtetin vendor, pasi të jetë ngritur një qeveri tranzitore.
Dashamir Shehi: Ai zotëria po tenton me një parti, ne do t’i themi ‘nuk do të lejojmë’, kjo është e drejta jonë.
Fatmir Mediu: Prandaj kemi propozuar një sistem proporcional, kombëtar apo rajonal me lista të hapura. Do të ishte një zhvillim pozitiv për politikën dhe kthimin e kushtetutshmërisë në Kuvendin e Shqipërisë.
Agron Duka: E gjithë politika të dakordësohet të shkëputet nga krimi përfundimisht, dhe kjo bëhet vetëm nëpërmjet një qeverie kalimtare.
Nard Ndoka: Ju bëj thirrje që në 2 Qershor të jemi të gjithë së bashku për të protestuar, për të sensibilizuar.
