Zv/ministrja e brendshme Rovena Voda ka mbedhur sot task-forcën e kanabisit në Elbasan. Ky qytet ka patur të regjistruar gjatë këtij viti vetëm një rast kultivimi të lëndëve narkotike. Gjithsesi Voda është shprehur se nuk duhet të ekzaltohen nga suksesi por të vijohet me të njëjtin përkushtim dhe të punohet në lidhje me ndalimine konsumimit të lëndëve narkotive tek të rinjtë.
Zv/ministrja theksoi se çështja e kanabisit, siç është bërë edhe më parë thirrje nga ministri Lleshaj, duhet të marë fund në muajin qershor duke qenë se është një nga pikat kyçe për hapjen e negociatave me BE-në.Vëmendje më të madhe Znj.Doda kërkoi për zonat e mbrojtura duke kërkuar ndihmën e kryepleqëve.
“Unë ceka në fjalën time pak më parë pikërisht strategjinë e policimit në komunitet. Kjo gjë lidhet me rastet e konsumimit të lëndëve narkotike të nxënësve nëpër shkolla.
Krijimi i zonave policore do ta luftojë këtë fenomen. Madje mendoj se vendosja e kamerave do të përbënte një avantazh në lidhje me luftimin e fenomenit të konsumimit të lëndëve narkotike nga të rinjtë. Elbasani është një nga qarqet më të mira në lidhje me kultivimin e këndëve narkotike që do të thotë që kjo gjë nuk është problem.
Konsumimi do të eliminohet gradualisht me anë të masave të marra. Kemi një ligj që detyron çdo biznes të vendoë kamera në ambjentet e tyre dhe në këtë mënyrë arrihet survejimi i të gjithë zonës,”- tha Voda në deklaratën për media.
Nga ana tjetër edhe kryetari i bashkisë Qazim Sejdini bëri thirrje për instalimin e kamerave të sigurisë në qytet në mënyrë që ambjenti të survejohet gjatë gjithë kohës.
