Ish-Presidenti Bujar Nishani, në një intervistë për Oraneës, shprehet se jemi në një krizë të të gjitha dimensioneve, jo vetëm politike.
Nishani tha se ose kemi institucione që nuk funksionojnë, ose të margjinalizuara ose të asgjesuara.
“Jemi në një krizë që po e çon vendin drejt anarkisë. A mund të shkohet në një proçes elektoral, kur në mbi 70 % të bashkive nuk kemi një kandidat alternativ? Pra procesi është asgjesuar”, tha Nishani.
Sipas tij, sot nuk shtrohet pyetja nëse duhet shtyrë data e zgjedhjeve, por kjo zgjidhet përmes një reforme të thellë kushtetuese.
“Një tryezë politike mund të çojë jo thjesht në shtyrjen e datës së zgjedhjeve, por në zgjidhjen e krizës, në ndërmarrjen e një reforme të plotë kushtetuese dhe ligjore”, tha Nishani.
I pyetur sesa afër jemi në mundësinë e dialogut mes palëve, pozitës dhe opozitës, Nishani tha se e shihte edhe afër dhe larg një proces të tillë.
