Analistët e njohur japin zgjidhjen: Ja si dilet nga kriza politike

Shtyrjen e datës së zgjedhjeve përtej 30 qershorit, analistët e shohin më se të realizueshme. Të ftuar në RTV Ora, Aleksandër Çipa dhe Gentian Gaba, shprehen se klasa politike ka precedent të mëparshëm të shtyrjes së datës kalendarike.

Por nëse kjo ndodh, Gaba thotë se përmes këtij rasti i duhet dhënë fund rrethit vizion që përsërit në vijimësi kriza.

Aleksandër Çipa: Është e mundur sepse ne e dimë që në praktikën politike të politikës sonë shpesh herë janë shtyrë datat kalendarike të parashikuara nga Kushtetuta. Kjo nuk është gjë e re në jetën dhe ndërgjegjën e politikbërësve shqiptarë.Sot kemi një situatë që e ka problematizuar funksionimin e institucioneve kushtetuese të vendit. Përderisa mbetet në fuqi kjo shkelje e rëndë e kushtetutshmërisë dhe Kushtetutës së vendit nuk shton asgjë dhe nuk pakëson asgjë nëse shtyhet edhe një datë kalendarike.

LEXO EDHE  “Asnjë demokrat s’është larguar nga puna” Bardhi i përgjigjet Ramës: Vendi ka nevojë kritike për ikjen tënde

Gentian Gaba: Ka ndodhur tre herë. Meqenëse jemi para zgjedhjeve vendore, 2007 na kujton që kjo ka ndodhur dhe nuk është ndonjë mëkat të ndodhë sërish. Problemi është sesi përsëritjet e mëparshme të kthehen në mësime për të ardhmen, të thyejmë një rreth vicioz që kjo krizë që troket me sirenat e së shkuarës të jetë kriza që i merr me vete të gjitha.