Tjetër drejtuese e lartë e administratës jep dorëheqjen?/ Ja çfarë ka ndodhur

Adela Xhemali, drejtore e përgjithshme e Fondit të Sigurimit të Detyrueshëm të Kujdesit Shëndetësor, ka dhënë dorëheqjen nga kjo detyre.

Xhemali u emërua 4 muaj më parë në krye të FDSKSH-së, ndërsa ka mbajtur edhe detyrën e drejtores së borxhit në Ministrinë e Financave, gjatë kohës që kjo Ministri drejtohej nga Shkëlqim Cani.

Në mars të 2019, dy muaj pas emërimit në këtë funksion, ajo u akuzua nga ish-kryeministri Sali Berisha, i cili referuar denoncimeve të qytetarëve dixhitalë, lidhur me atë që po ndodhte me Fondin.

LEXO EDHE  Tragjedia në Tiranë/ Ish-ministri socialist: Të hetohet Erion Veliaj

Nuk dihet nëse dorëheqja e Xhemalit ka ardhur për shkak të përplasjeve apo ka qenë një vendim personal i drejtueses së Fondit.

Kjo është drejtuesja e dytë e lartë në ditët e fundit që jep dorëheqjen dhe largohet nga funksionet.

Nga 2013-2019 janë ndërruar 8 drejtorë të përgjithshëm të Fondit: Astrit Beci, Milva Ikonomi, Vjollca Braho, Erion Manohasa, Alketa Hila, Eduard Ahmeti, Anila Denaj dhe së fundmi Adela Xhemali.