Kreu demokrat, Lulzim Basha, do të jetë pasditen e sotme në një takim në Durrës, në aktivin e zgjeruar të kësaj dege.
Takimi pritet të nisë në orën 18:45 në pallatin e Sportit. Ndoshta nga Durrësi Basha mund t’i kthejë përgjigje Ramës lidhur me letrën publike, ku e ftonte në dialog pa kushte.
Një ditë më parë, Basha tha nga Berati se nuk do të ketë pazar me Ramën, duke e cilësuar si kusht të panegociueshëm largimin e tij.
Takimi i Bashës me strukturat e PD-së dhe mbështetësit e kësaj partie, pritet të jetë në vazhdën e takimeve të zhvilluara deri më tani nga kreu demokrat në degët më të mëdha të kësaj partie në rrtehe.
Më 25 maj, opozita e bashkuar do të zhvillojë protestën e rradhës, e cila pritet të jetë ndër më të mëdhatë të zhvilluara në vitet e fundit.
Ende nuk dihen detaje nga kjo protestë, por ajo mund të zgjasë më shumë në kohë se protestat e deritanishme dhe të ketë një qëndresë më të madhe.
Opozita kërkon largimin e Edi Ramës nga posti i kryeministrit, veprim që do t’i hapte rrugë dialogut dhe krijimit të një qeverie tranzitore.
