Hyri në Kuvend si deputete e LSI-së, por tashmë nënshkruan për “Aleancën Kuq e Zi”, duke dalë garant për listën e kandidatëve të këtij subjekti për zgjedhjet lokale të 30 qershorit.
Pothuajse me të njëjtën skemë si në rastin e Bindjes Demokratike, edhe AK ka gjetur një deputete që mundëson regjistrimin e kandidatëve të saj për kryebashkiakë në KQZ.
Hoti u betua në Kuvendin e Shqipërisë më 13 mars, duke marrë mandatin nga LSI, pasi emri i saj renditej në listat shumëemërore të kandidatëve të kësaj partie për qarkun e Lezhës në zgjedhjet e 2017-ës.
Tashmë Hoti, duke vepruar njëlloj si deputeti tjetër, Lefter Koka, që mbështeti Bindjen Demokratike, ka zgjedhur AK-në, duke krijuar lehtësi në regjistrimin e kandidatëve për kryebashkiakë.
