Një ditë më parë, kancelari austriak Sebastian Kurz dha dorëheqjen, pasi zv.kancelari, Heinz-Christian Strache, ishte i përfshirë në një përgjim.
Pavarësisht se Strache dha dorëheqjen, pak orë më pas ishte kancelari Kurz që njoftoi edhe largimin e tij, duke e ccuar vendin drejt zgjedhjeve të parakohshme.
“…Une nuk erdha në pushtet për karrigen time. As për të përmbushur një ego. Erdha për të dhënë ndihmesën për Austrine por, une nuk mund të qëndroj në pushtet në këtë situate prandaj, sot jap doreheqjen dhe therrase zgjedhje te parakohshme”, ishte mesazhi që ka përcjellë kancelari austriak.
Ky mesazh është shpërndarë edhe nga deputeti socialist Fate Velaj, i cili në Vjenë, banon afër kancelarit austriak, dhe shpeshherë ka postuar foto me Kurz.
Nuk dihet nëse Velajt i ka pëlqyer mesazhi i Kurz dhe thjesht e ka shpërndarë sikundër ndodh rëndon, apo ky ka qenë një sugjerim ndaj kryeministrit Edi Rama.
Pak a shumë si në Austri dhe në Shqipëri ka një situatë të ngjashme. Në Austri u kaq zv.kancelari me një manjate ruse, në një Pazar për fitimin e zgjedhjeve.
Në Shqipëri janë me dhjetra orë përgjime me zyrtarë lokalë e qendrore, që komunikojnë me personazhe të botës së krimit për përfitime votash.
Në Austri brenda pak orësh u morr vendimi për të shkuar drejt zgjedhjeve të parakohshme, në Shqipëri askush nuk e ccon nëpër mend që të dorëhiqet.
Ndoshta në një moment të tillë, ligjvënësi socialist me shpërndarjen e mesazhit i ka ccuar një tjetër mesazh kryeministrit, njëherëz edhe kreut të PS-së, Edi Rama.
