VIDEO/ Mediat gjermane nuk i ndahen Ramës dhe Veliajt: Korrupsioni ka lulëzuar, studentët po ringrihen …

Largimi masiv i të rinjve ishte në qendër të një reportazhi të rrjetit televiziv gjerman ZDF, në bashkëpunim me ARD dhe Arte.

Reportazhi trajton të rinjtë në Shqipëri, që si alternativë dhe shpresë për të ardhmen e tyre shohin largimin nga Shqipëria. Gjithashtu, reportazhi trajton betonizimin e Tiranës, korrupsionin e përhapur në sektorin e ndërtimit dhe për protestën për mbrojtjen e Teatrit Kombëtar.

Reportazhi në rrjetin ZDF vjen në një kohë kur studentët kanë paralajmëruar një protestë kombëtare më 22 maj, duke rikthyer kështu pas disa muajsh studentët në rrugë.

“Nga fundi i komunizmit, Shqipëria ka humbur thuajse gjysmën e popullsisë.

4 milionë shqiptarë jetojnë jashtë. Në vend janë diku më pak se tre milionë. Përse ikin të rinjtë shqiptarë? Sepse ka korrupsion, mungesë pune, mungese e të ardhmes.

LEXO EDHE  Këngëtari rrëfen historinë e trishtë: Më kërkuan 200 lekë për qumështin e bebes, tregu ishte bosh…

Një në 2 shqiptare po mendon të largohet. Kjo po shkatërron bazën e shoqërisë, familjen”,  thuhet në reportazhin e ZDF.

Pedagogu Ervin Goci, një prej aktivistëve të shoqërisë civile, dhe studentët Erisa Zhupa dhe Enrik Shehu, janë pjesë e reportazhit të rrjetit televiziv gjerman.

Korrupsioni ka lulëzuar edhe nën qeverisjen e Edi Ramës, ndërsa qeveria nuk i morri seriozisht protestat e muajve më parë, madje u tall me to.

“E vërteta është se nuk jemi kënaqur me atë që arritëm nga protesta, por na kërcënuan me humbjen e vitit shkollor”, thotë Shehu, një prej drejtuesve të protestës së muajve më parë.