Zgjedhjet do mbahen më 30 qershor, nuk e luan as topi/ Balla bën “orakullin”, jep datën dhe orën e saktë…

“Zgjedhjet do mbahem në 30 qershor dhe nuk e luan as topi”.

Kështu u shpreh Taulant Balla, kryetar i Grupit Parlamentar të PS-së, duke shtuar se ky është një fakt panegociueshëm me askënd sepse Kushtetuta nuk është llastik, por është aty për t’u respektuar dhe PS është për ta respektuar, ashtu si mandatin e shqiptarëve për një kuvend me mandat 4 vjecar.

“PS nuk është si ato partitë që ju sollën ju këtu dhe tradhtuan mandatin e shqiptarëve. Aq i sigurtë është detyrimi që kemi ne për të zhvilluar zgjedhjet, sa njëlloj si dielli që lind në lindje dhe perëndon në perëndim. Nuk i japim kurrë mundësinë Bashës dhe bandës së tij të huliganëve të marrin peng vendin”, tha Balla.

LEXO EDHE  I vënë zjarrin arave, djegin edhe rrjetin elektrik

Në vijim ai shtoi se më 29 maj, në 23:30 gjithë shqiptarët dp të marrin lajmin e mirë nga KE për rekomanduar përfundimisht fillimin e bisedimeve për anëtarësim, e jo pa qëllim përpjekja e fundit për të penguar këtë lajm të mirë do të bëhet në paradën e fundit të huliganëve në 25 maj.

“Sa për pengmarrjen e LSI, nuk quhet pengmarrje, por trashëgimi brenda familjes. Arsyeja pse opozita ka zgjedhur këtë rrugë lidhet me frikën e liderëve nga reforma, Berisha, Basha, e Kryemadhi e dinë se reforma në drejtësi nuk mund të bllokohet”, u shpreh Balla.