Vëzhgohet prej kohësh, Dinamo e Bukureshtit gati ofertën për “yllin” e Skënderbeut

Skënderbeu nuk e ka arritur ende objektivin sezonal. Sikur të mos mjaftonte eliminimi nga Kupa e Shqipërisë, erdhi edhe ajo humbje me Teutën që i largoi nga vendi i 3-të në renditjen e përgjithshme.

Kupat e Europës duken gjithnjë e më larg, edhe pse matematika i lejon që të rimarrin këtë pozicion në ndeshjet mbetura të Kategorisë Superiore. Pavarësisht llogarive të komplikuara, klubi nuk ka lënë pas dore merkaton, e cila sa vjen dhe bëhet më e zhurmshme.
Bregu

Kohët e fundit, në “pistë” ka dalë emri i Dejvi Bregut. Lojtari më i spikatur në këtë sezon, me shumë mundësi do ta mbyllë këtu aventurën në Korçë. Në drejtim të “yllit” vlonjat kanë vërshuar ofertat e para dhe mes tyre është edhe një nga Rumania. Drejtuesit e Dinamos së Bukureshtit kanë filluar të interesohen për shërbimet e 23-vjeçarit, raporton “Panorama Sport”.

LEXO EDHE  Titulli mbush arkat e Partizanit, ja sa para ka përfituar dhe sa merr në rast kualifikimi në Champions

Në një nga ndeshjet e fundit, nuk specifikohet cila, drejtuesit e klubit rumun kishin dërguar edhe vëzhgues për të ndjekur nga afër lojtarin. Ata kanë mbetur deri diku të kënaqur nga paraqitja e aftësitë që ai ka shfaqur në atë takim, por edhe në përgjegjësi gjatë kampionatit.

Oferta nuk është ende zyrtare, por kontaktet kanë filluar të ngrihen mes palëve.