Po vënë në zbatim “planin B”/ Eksperti zbulon shkeljet për zgjedhjet në UT…

Në një kohë kur sot në Universitetin e Tiranës mbahen sot zgjedhjet për anëtarët e bordit, në Fax News, eksperti i arsimit Ndriçim Mehmeti ka deklaruar se i gjithë procesi është i jashtëligjshëm dhe se zgjedhjet janë farsë.

Sipas Mehmetit, zgjedhjet për Bordin po përdoren për të kapur edhe më shumë universitetin, ndërsa shtoi se tre kandidatët, Denada Toçe, Florjan Binaj dhe Llesh Lleshaj, nuk janë përfaqësues të studentëve.

Ai theksoi se urdhëri i rektorit të përkohshëm Dosti është në shkelje të vendimit të këshillit të ministrave në muajin Janar, që në asnjë moment nuk e përcakton mbajtjen e zgjedhjeve.

“Urdhri i UT është i jashtligjshëm, procesi po ashtu është i tillë. Anëtarët janë vetëofruar për t’u zgjedhur, në letra thuhet që janë propozuar anëtarët. Duhet filluar që nga ligji, ku përcaktohet fare qartë si zgjidhen atënarët e bordeve, bëhet në varësi të Buxhetit. Urdhëri i Universitetit të Tiranës është i jashtëligjshëm pasi është me firmën e rektorit të komanduar, ndërkohë që VKM-ja e Janarit thotë tjetër gjë.

Dje u tha në studion tuaj se kandidatët janë vetëpropozuar, ndërkohë që në urdhërin e brendshëm të rektorit thuhet se ata janë propozuar nga studentët. Rektori i ri nuk është shprehur për këtë, pasi bordet janë atribut i ministrisë, rektori nuk ka asnjë lidhje, e thotë edhe ligji. Ministria e ka përcaktuar që në Janar se cilat do të jenë kushtet e kandidatëve, janë djegur të gjitha afatet ministrisë, u tha edhe më e rëndë këtu, që janë marrë vesh me njëri-tjetrin dhe tashmë janë në garë.

LEXO EDHE  Basha për BBC WORLD: Ja pse ka zemërim në protesta, çfarë synohet dhe …

Asnjë prej tyre nuk plotëson kriteret, pasi njëri prej tyre është edhe pedagog, nuk mund të jetë edhe anëtar bordi, kërkohet që të jenë ekspert jashtë universitetit, po nuk e thotë në asnjë vend që të jetë ekspert të humorit (I referohet kandidaturës së Florjan Binajt).

Unë nuk e di se ku e kanë marrë guximin që të ngrejnë një komision zgjedhor, dhe pasojat janë financiare, për pasojë ka pasoja financiare. Kjo është të punësosh një njeri kundra ligji, çfarë është ky sulm kaq i madh për 250 mijë lekë të vjetra? Natyrisht që qëllimi është diku tjetër”, u shpreh Mehmeti.

“Nga autoritete shumë të larta të Ministrisë më është konfirmuar që ka pasur shumë pak aplikime, më kanë pohuar që ka një çështje të mosbesimit të mënyrës si anëtarët do të zgjidhen. Vetëm në 3 prej universiteve është rënë dakord që të zgjidhen anëtarët e bordeve të propozuar nga studentët.

Çfarë ishte kjo dëshirë e jashtëzakonshme për të vënë në shina Universitetin e Tiranës? Se do të vënë në zbatim planin B që synon që të kapin bordet, pasi rektori Koni nuk ka të drejtë që të ndërhyjë në këtë proces. Ajo që ai mund të bëjë është që të kërkojë një inspektim ligjor të të gjithë procesit. Zonja Shahini duhet të na thojë se vlen firma e saj, apo ajo e rektorit të propozuar nga ana e saj”, u shpreh më tej Mehmeti. /Faxweb/