BE i mbyll derën Shqipërisë? Çfarë paralajmëron Hahn…

Komisioneri i zgjerimit, Johannes Hahn, e vlerëson Maqedoninë më të favorizuar sa Shqipëria, për të hapur negociatat këtë vit edhe pse “raportet për të dy vendet do të vendosen njëherazi”.

Në një intervistë për “DW“, Hahn shprehet se imazhi aktual i Shqipërisë e vështirëson shumë një vendim pozitiv pro negociatave dhe këtu ndalet te kriza politika në vend. Ndërsa për Maqedoninë, gjykon se ka bërë hapa të rëndësishme drejt integrimit në Bashkimin Eurpoian.

Pjesë nga intervista

Në Maqedoninë e Veriut gjendja duket më premtuese se në Shqipëri. A ekziston mundësia që Maqedonia e Veriut të trajtohet më vete?

“Synimi im është që të dy këto vende të trajtohen njëherazi, sepse edhe raportet do të vendosen njëherazi. Por unë nuk mund ta parashikoj se si do të vendosin vendet anëtare. Fakt është se Maqedonia e Veriut ka kontribuar shumë dhe konkretisht, jo vetëm në kuadër të kërkesave tona, por edhe duke kapërcyer grindjen për çështjen e emrit, por edhe me kapërcimin e konfliktit dypalësh me Bullgarinë, Maqedonia e Veriut ka krijuar kushtet që të jetë papritmas i vetmi vend në rajon, që nuk ka asnjë konflikt me fqinjët”, u përgjigj Hahn.

LEXO EDHE  Pas nismës për shkarkim/ Arben Malaj: Ja si më kërcënoi Taulant Balla

Pra, kjo do të thotë se, nëse Shqipëria nuk arrin të gjejë një kompromis, mund të çelen negociatat  vetëm me Maqedoninë e Veriut?

“Negociatat e zgjerimit janë një proces që bazohen në meritat dhe arritjet e secilit vend. Do të ishte e padrejtë, nëse një vend do të priste, sepse një vend tjetër nuk arrin rezultate.

Kjo vlen në parim. Natyrisht, do të ishte ideale nëse të gjashta vendet do të hynin së bashku. Por kjo nuk është realiste. Por është e padrejtë ndaj atyre që janë angazhuar më shumë, që kanë arritur të gjejnë zgjidhje, që janë të aftë për kompromise, që janë në gjendje të sjellin rezultate. Këta nuk duhet të dënohen tani meqë janë më mirë se të tjerët”.