Reagon gazetar i Bild që cilësoi Ramën gangster: Unë isha vetë në Shqipëri

Gazetari i gazetës gjermane Bild, Peter Tiede, ka reaguar në Facebook, pas artikullit ku kritikonte kryeministrin Edi Rama. Në një postim paraditen e sotme, ai shkruan shkurtimisht: “Unë njëherë – diçka e shkruajta për Shqipërinë – isha atje. Nuk duket mirë për një vend të bukur”, komenton ai lidhur me artikullin e tij.

Tiede e konsideronte Edi Rama ‘një gangster’ dhe Shqipërinë ‘një shtet të mafias’. BILD përmendte faktin se dy ministra të Ramës, Xhafaj dhe Tahiri, janë të përfshirë në trafikun e drogës dhe janë detyruar të largohen.

LEXO EDHE  Zaev si Rama, refuzon kërkesën e opozitës për zgjedhje të parakohshme

Artikulli i gazetës më të madhe në Gjermani, ngjalli mjaft reagime. Deputetja e PS-së, Elona Gjebrea e quajti dezinformues ndërkohë që u zotua se do ‘zyra e shpifjes’ do të merret me gazetën.

E ashpër ishte edhe deputetja tjetër e mazhorancës, Blerina Gjylameti, që u shpreh se reportazhi është paguar me paratë e pista të opozitës.