Vendimi/ Kandidon për kryetar bashkie i PS, emërohet zëvendësuesi…

Çesk Millja emërohet prefekt i ri i Qarkut të Shkodrës. Vendimi është marrë në mbledhjen e sotme të Këshillit të Ministrave.

Po këtë të mërkurë, në mbledhjes e qeverisë u vendos shkarkimi nga detyra i Valdrin Pjetrit, i cili është përzgjedhur të kandidojë nën logon e PS-së për zgjedhjet e ardhshme lokale.

Në Shkodër, bëhet kështu një rokadë në rangun e perfektëve.

Çesk Millja ka qenë më herët prefekt i qarkut. Prej një viti e gjysmë ai ka ushtruar këtë detyrë deri në Maj të vitit të kaluar kur u zëvendësua pikërisht nga Valdrin Pjetri. Vendimi i sotëm i qeverisë i jep jetë rokadës Pjetri-Millja në Shkodër.

LEXO EDHE  Pamje të rënda/ Këshilltari bashkiak godet me levë në kokë inspektorin e INUV (Foto)

Elbasani ende pa vendim

Qeveria shkarkoi sot nga detyra edhe perfektin e Qarkut Elbasan Gentian Llatja. Edhe ai kandidat i PS në Elbasan për zgjedhjet bashkiake. Megjithatë, nga vendimet e publikuara në faqen zyrtare të qeverisë, nuk ka ende një vendim emërimi për perfektin e ri të Elbasanit.

Lexo edhe: Rilindja shkarkon nga detyra dy prefektë, ja arsyeja …

Lexo edhe: Ish-drejtor në qeverisjen e PD/ I përzgjedhuri i Ulsiut, kandidati i Rilindjes për Shkodrën…

/BN/