Gazetari Ylli Dylgjeri ka ironizuar ambasadorin e OSBE-së në Tiranë, Bernd Borchardt, i cili ditët e fundit është kthyer në qendër të vëmendjes, jo vetëm sa i takon deklaratave mbi protestat që zhvillohen, por edhe për faktin se u ndje i kërcënuar nga një parrullë.
“Borchardt, turp t’ju vijë” ishte parrulla që ishte shkruar në hyrjen e pallatit, ku Borchardt dhe familja e tij, jetojnë. Kjo parrullë e shkruar nga një grup të rinjsh dhe të rejash u trajtua si një kërcënim, ndërsa policia u angazhua për gjetjen e “terroristëve”.
Në fakt, të rinjtë kishin publikuar video duke protestuar poshtë pallatit të Borchardt, çka do të thotë se ata nuk ndërmorrën ndonjë akt në fshehtësi.
E gjithë kjo situatë krahas reagimeve zyrtare, ka shkaktuar humor në rrjet.
“Thirrje publike Ylli Rakipit!
I bëj thirrje Ylli Rakipit të marrë Borchardt në pjesën e tretë të emisionit “Të Paekspozuarit” se tani u bë si Kujtim Gjuzi i OSBE-së”, shkruan Dylgjeri.
