Artikulli i ‘Bild’/ Ish-ministri i Ramës: Opozita riktheu Shqipërinë në …

Ish-Ministri i Drejtësisë Ylli Manjani i ftuar në studion e SYRI.net, ka folur edhe për deklaratat që ai ka dhënë për gazetën gjermane ‘Bild’ e cila një ditë më parë publikoi një artikull ku flitej me fakte për implikimin e Edi Ramës për në manipulimin e zgjedhjeve.

I cituar nga gazetari artikullshkrues, Manjani sqaroi se ai është një shkrim që mban autorësinë e gazetarit të Bild.

‘Ai më ka cituar në tre fjali që kanë ardhur në një kontekst të një bisede tjetër. I bie që këtë ‘Bildin’ e komandokam unë. Por dua të them që është një shkrim i tij, në përgjegjësinë e tij.

Gazetari ka burime të konsiderueshme për atë që shkruan. Duhet të presim vijueshmërinë më tej. Ai është një prelud i konkluzionit të tij çfarë ka parë në Shqipëri dhe jashtë saj.

Ata kanë investiguar në burimet e tyre që kanë dalë në një konkluzion të tillë. Europa politike ka qenë më shumë se e heshtur. Politika shqiptare nuk është më në asnjë axhendë të Evropës.

LEXO EDHE  Krimi në familje/ “Autori shoferi i drejtorit”, flet daja: Ishte xheloz për gruan

Opozita shqiptare e ka sjellë axhendën e Shqipërisë në vëmendjen e Evropës, me anë të djegies së mandateve, me protestat etj. Dhe kjo është arsyeja pse sot Shqipëria është në sytë e televizioneve botërore dhe është Shqipëria që ka probleme me keqqeverisjen, me krimin e organizuar’, tha Manjani.

Ky i fundit u shpreh se askush nuk mund ta anashkalojë në një shkrim në një media gjermane.

‘Media në Gjermani ka një impakt të jashtëzakonshëm. Është realisht pushtet i katërt.

Është sikur ta banalizoja, sikur të shkruante dikur një fejton ‘Zëri i Popullit’. Shoqëria gjermane është shoqëri disipline, por nuk të fal te rregullat.

Presidenti gjerman iu zbulua një kredi dhe dha dorëheqjen. Në gjermani verifikohet çdo gjë’, nënvizoi Ylli Manjani gjatë intervistës së tij në studion e SYRI.net.