Gazetari Ylli Dylgjeri ka ironizuar kryeministrin Edi Rama lidhur me deklaratën e bërë dje prej tij, kur tha se më 21 janar 2011 nuk është hedhur asnjë guriçkë ndaj Kryeministrisë.
Rama u mundua të bëjë një krahasim mes protestës së të shtunës dhe asaj të organizuar më 21 janar 2011, duke akuzuar opozitën aktuale se ndërmorri akte të dhunshme dhe se policia duhet mirëkuptuar për dhunën e përdorur.
Por Dylgjeri në një postim në rrjet ka ironizuar Ramën duke u shprehur se “në të vërtetë, në 21 janar u hodhën aq gurë mbi policinë sa u duk se u dha një liçencë guroreje në shesh”
Postimi i Dylgjerit
Ja, kujtoheni!
“Asnjë guriçkë nuk u hodh në 21 Janar” – tha dje në konferencën për shtyp Rama…
E vërteta:
Në 21 Janar, u hodhën aq gurë mbi policinë sa u duk se u dha një Liçencë guroreje në shesh.
