Presidenti i Kosovës Hashim Thaçi u shpreh mbrëmjen e sotme në “Opinion” se ideja për korrigjimin e kufijve, të cilën e cilësoi si vendosjen në vend të një padrejtësie historike, është e tija personale.
Thaçi theksoi se Presidenti Vuçiç nuk ka paraqitur plan, pasi plan ii tyre është ndarja e Kosovës.
“Ka dallime shumë të mëdha mes idesë së korrigjimit të kufijve dhe asaj të shkëmbimit të territoreve. Ideja ime është vetëm korrigjim i padrejtësive historike dhe jo për shkëmbime territore”, tha Thaçi.
Presidenti Thaçi tha se besonte që Presheva, Medvegja dhe Bujanovci do t’i bashkangjiten Kosovës në shkëmbim të perspektivës europiane të Serbisë.
Ndërkohë drejtuesi i emisionit Blendi Fevziu it ha se “ju nuk jeni as BE dhe SHBA që t’i merrni Serbisë territore dhe mos i jepni gjë”.
Ndërsa Thaçi në përgjigjen e tij u shpreh se ne kur nisëm luftën për lirinë e Kosovës nuk ishim as SHBA dhe as BE, por sot kemi Kosovën e Pavarur.
“Vuçiç nuk ka paraqitur asnjëherë një plan dhe unë besoj se deklarimet e tij janë nxjerrë nga konteksti ose janë keqinterpretuar”, tha Thaçi.
Sipas tij, ideja ka lindur që në 1990, kur shqiptarët e Medvegjës, Bujanovcit dhe Preshevës mbajtën një referendum.
“Unë e kam prezantuar si ide, ia kam thënë edhe Vuçiç, i cili ka pasur një reagim shumë arrogant, ndërsa znj. Mogherinit nuk ia kam prezantuar”, tha Thaçi.
I pyetur mbi qëndrimin e kryeministrit Edi Rama lidhur me këtë ide, Thaçi theksoi se ka një mllef për të nxitur përplasjen mes shqiptarëve kudo që janë dhe skema armiqësore mes skenës politike shqiptare.
“Kosova është në rrugë të drejtë për anëtarësim në NATO apo BE. Synimi ynë është arritja e një marrëveshjeje përfundimtare me Serbinë”, tha Thaçi.
Lidhur me akuzat e ish-kryeministrit Sali Berisha që e ka cilësuar Thaçin një argat të Beogradit, Presidenti i Kosovës, i cilësoi qesharake të gjitha akuzat, duke shtuar se roli i Edi Ramës ka qenë shumë pozitiv, ka qëndruar i distancuar nga palët, pa pretenduar që të ndikojë mes palëve.
“Edi Rama është i vetmi politikan shqiptar që e than ë mes të Beogradit, në sy të Vuçiç, që të njohë Kosovën.
