Zgjedhje me 30 qershor nuk do të ketë dhe do të ketë zgjedhje të parakohshme parlamentare. Kështu u shpreh kreu demokrat Lulzim Basha nga Gjirokastra gjatë një takimi me anëtarë dhe mbështetës të Partisë Demokratike.
Sipas tij më 11 maj, do të përcaktohet fati i Shqipëri për 5, 10 apo 15 vitet e ardhshme.
“Këtë të shtunë, më 11 maj, dhe në ditët e ardhshme, do të përcaktohet fati europian i Shqipërisë, është dita e fitores së dritës mbi errësirën, e shqiptarëve kundër krimit dhe korrupsionit”, tha Basha.
Ai theksoi se përballë janë Shqipëria e frikës me Shqipërinë e shpresës, por si asnjëherë në këto 6 vite Shqipëria e frikës është tkurrur në një grup njerëzish me një vulëhumbur, me një palokryeministër.
“Shqipëria e shpresës po ngrihet nga Shkodra deri në Gjirokastër. Kjo është një betejë për jeta a vdekje. Këto dy Shqipëri nuk mund të bashkëjetojnë me njëra tjetrën. Ose Shqipërinë e hajdutërisë dhe krimit, ose Shqiëprinë e shpresës dhe punësimit. Kjo është beteja jonë. Prandaj them se s’është një betejë e zakonshme, por ne jemi Partia Demokratike e Shqipërisë, partia e aspiratës “E duam Shqipërinë si e gjithë Evropa”, me idealet e Shumanit, Adenauerit dhe vendosmërinë e Reganit dhe Theçerit”, tha ai
