Roja bregdetare në bashkëpunim me policinë kufitare dhe kapiterinë e Portit të Durrësit kanë nisur operacionin për shpëtimin e turistëve austriakë që ndodhen në një jaht në detin Adriatik.
Mësohet se jahti në fjalë mban flamurin e shtetit të Austrisë dhe në të dyshohet se ndodhen tre turistë.
Mjeti lundrues ndodhet rreth tre milje larg brigjeve të Durrësit dhe deti paraqitet mjaft i trazuar për shkak të motit të keq ku forca e tij arrin në 6 ballë.
Mësohet se jahti, i cili vinte nga Kroacia ndodhet rreth 3 milje larg nga zona e Kallmit.
Njoftimi i plotë:
Kapiteneria e Portit Durres, Policia Kufitare, Roje Bregdetare po zhvillojne nje operacion shpetimi per te shpetuar Jahtin FRANCY me tre austriake ne bord qe ka pesuar difekt ne motorrë.
Vete kapiteni i portit Tauland Allka eshte ne bordin e anijes Joni dhe po i afrohen jahtit qe era dhe koha e keqe po e shtyn drejt detit te hapur. Kjo eshte Administrata Detare qe duam.
